Pigmirar komo kaenot-enoting Santo Papa si Cardinal Robert Francis Prevost na gikan sa United States.
Ini an igwang historya nin missionary work sa Peru alagad igwang hararom na pag-intindi sa palakaw sa simbahan.
An bagong Santo Papa an pig-apod komo si Pope Leo XIV asin saro sa mga pig-appoint kan yumaong si Pope Francis.
Ipinangaki kan September 14, 1955, sa Chicago, an bagong Santo Papa nag-atender nin sa minor seminary kan Order of St Augustine sa St Louis komo novice antes na maggradwar sa Philadelphia’s Villanova University, sarong Augustinian institution na igwang degree sa mathematics.
Makalihis na makareseber nin masters degree sa divinity gikan sa Chicago’s Catholic Theological Union kan 1982, doctorate decree sa canon law sa Rome, nagbali ini sa Augustinians kan Peru kan taong 1985 para sa pig-aapod na decade-long missions sa nasmabitan ng nasyon.
Liwat na nagbwelta sa Chicago kan 1999, kun saen ini an nagin provincial prior kan Augustinians sa US Midwest asin kalaunan an nagin general of the order sa bilog na kinaban.
Ini an nagbweltada sa Peru kan 2014 kan ini an i-appoint ni Pope Francis komo apostolic administrator kan Diocese of Chiclayo.
Ini an nagin pamayo kan Dicastery for Bishops, na igwang responsabilidad na mag-advised sa Santo Papa sa mga bagong ia-apoint na bishop asin nagin Presidente kan Pontifical Commission para sa Latin America.
Bistado man si Prevost komo tagabusol kan katuninongan asin bridge-builder.
An 69-anyos na Archbishop-Bishop emeritus kan Chiclayo, Peru, an ginibong cardinal ni Pope Francis kan 2023 makalihis na magin pamayo kan prefect of the dicastery, saro sa mga pigkokonsederar na importanteng departamento kan Vatican asin nagin dalan tanganing mabisto ini sa bilog na kinaban.
Sigun sa mga nagkapira saro soboot si Prevost sa mga pigtawan nin tsansa na magin Santo Papa huli sa siayang mga nagin trabaho, paghiling sa kiaba asin pag-manehar kan
central bureaucracy.
Pig-apod man ini kan nagpira komo “the least American of the Americans” huli sa saiyang malumanay sa pagsimbag sa mga bagay-bagay.
Apwera digde an mahigot man na paninindugan kaini sa canon law an saro sa mga nagin rason tanganing mapanatag an mga conservative cardinals na naghahanap nin orog na pagtaong pokus sa theology.
Sa saiya man na enot na papal address, pigsaysay ni Prevost na makalihis an pagkadan nin Pope Francis kadakol pa an trabaho na gigubuhon sa simbahan.
Sa ngunyan, padagos na nakatutok an mga mata kan publiko sa mga sunod na gigibuhon kaini komo lider kan Simbahang Katolika.
