Nakabweltada na sa Pilipinas si Presidente Ferdinand Marcos Jr makalihis an ginibong pagbisita kaini sa US asin personal na pakikipag-ulay ki Presidente Donald Trump .
Kan nakalihis na Miyerkules nin pagkabangi, Hulyo 23 kan mag abot an Presidente.
Sa saiyang arrival statement, pigsierto kaini an tabang na iheheras kan gobyerno para sa mga nasalanta kan matinding pagbaha huli sa habagat asin mga bagyo.
Pig-inkaminar kaini an publiko na apektado na sumunod sa kasuguan kan mga otoridad.
Inilahad man kan Presidente an nagkapirang trayumpo sa pakikipag meeting kaini ki Trump.
Natalakay sa nasambitan ng meeting an nagkapirang urulay pang seguridad, kalakalan asin defense cooperation.
Pig orgulyo man ni Marcos na nakalikom ini nin labi sa $21 bilyon na investment pledges gikan sa mga nakameeting kaining mga business leaders asin top executives kan manlaen-laeng kumpanya sa US.
Inimbitaran man ni Marcos si Trump na bumisita sa nasyon asin mag atendir sa Association of Southeast Asian Nations (ASEAN) meeting sa 2026 kun saen magigin host an Pilipinas.
