NAGA CITY- Nagpapakol sa P250 kada kilo an presyuhan kan tipong o buko sa Naga City People’s Mall.
Sigun ki Marilou Cabiling, paratienda, marhay man an saindang bentahan ngunyan na igwang kasiributan sa ibong kan kadakol an kakompetensiya.
Dae man soboot sinda lugi asin igwa pang natatada para sa mga kaipuhang paggastusan.
Dugang pa ni Cabiling nagpupuon an mga ini sa pagtinda pasado alas 6 nin pagka-aga hasta alas 7 nin bangi.
Kaipuhan kaya na samantalon na sibot an mga tawo asin kadaklan sa mga pighahanda sa pagsabat kan Bagong taon an nangangaipuhan nin buko.
Katakod kaini, nag-aabot man sa P250 an kada kilo kan tipong sa merkado publiko kan siyudad nin Naga alagad igwa man pagkakataon na pigtatangro ninda ini sa kantedad na P100.
Mientrastanto, pigsaysay pa ni Cabiling na antes pa an kapaskuhan asin bagong taon nakapag-order na sinda nin tipong asin sa presente an pigde-deliver na sana.
Sa ngunyan, hagad na sana kaini na mas orog pang maglangkaw an saindang kita asin magkaigwa nin matuninong na bagong taon.
