NAGA CITY – Nagtutubod an Department of Justice na masyado pang amay tanganing ikonsiderar na gibuhong star witness si suspended Bamban, Tarlac Mayor Alice Guo laban sa mga protektor kan Philippine Offshore Gaming Operators na ilegal na nag-ooperar sa nasyon.
Sa sarong patara-tara, pigsambit ni Justice Undersecretary Nicolas Felix Ty na sa ngunyan mayo pang ginigibong pag-amin an suspendidong alkalde sa pagiging konektado kaini sa POGO na pig-raid kan mga awtoridad sa saiyang banwaan.
Duon ni Ty, bakong madali an pag-gibong star witness sa sarong indibwidwal huli ta dakul nin mga requirements na ikokonsiderar.
Kun marurumduman, nagsunad nin prosopwesto an Senado na gibuhong star witness si Guo tanganing maitukdo kaini kun sisay an protektor kan ilegal na POGO sa nasyon.
Ini makalihis na iheras ni PAGCOR Chairman and CEO Alejandro Tengco na may sarong dating Cabinet Official na nag-lobby tanganing maka-operar an pirang ilegal na POGO sa nasyon.
