Binisita ni Russian President Vladimir Putin an Kursk sa primerong pagkakataon magpuon kan ideklarar kan Moscow na ganap nindang nakubkob liwat an rehiyon kasunod man kan sorpresang pagsalakay kan pwersa kan Ukraine kan nakalihis na taon.
Basado sa report kan state media sa Russia, nakipaghilingan si Putin sa municipal leaders sa siyudad nin Kurchatov saka binisita an Kursk nuclear power plant na presenteng under construction.
Sa pigheras na video footage, mahihiling si Putin na nakasulot nin suit kaulay an mga local volunteer. Inihayag man ni Putin na pinorbaran pa man kan pwersa kan Ukraine na umabanse sa Russian border.
Ipinagsugo man ni Putin an pagdagdag pa nin numero kan demining units sa Kursk tangani tabangan an mga na-displace na residente duman na makabalik sa saindang mga istaran.
Pinapahiling man kan iniluwas na video kan pagbisita ni Putin sa Kursk kan nakalihis na aldaw nin Martes.
Marurumduman, naenot ng inihayag ni Putin kan nakalihis na bulan na liwat nakubkob kan saindang pwersa an Kursk asin man kaibaa soboot ninda an mga suldados kan North Korea sa pakikipaglaban tangani man mabawi an nasambitan ng teritoryo.
Alagad taliwas man ini sa claim kan Ukraine na naninindugang padagos pa man na nakikipaglaban an saindang mga tropa tangani mamantinir sa saindang mga kamot an kontrol sa nasambitan ng teritoryo.
