Sa primerong pagkakataon magpuon kan mabakal kan Estados Unidos an Alaska gikan sa Russia kan nakalihis na taong 1867, sarong lider kan Russia an opisyal na mabisita sa nasambitan ng estado.
Maabot si Russian President Vladimir Putin sa Anchorage, Alaska tangani makipag meeting ki dating U.S. President Donald Trump sa sarong summit na obhetong pag-ulayan an posibleng katrangkiluhan sa padagos na gyera sa Ukraine.
An pagpili sa Alaska komo lugar kan meetng an may hararom na simbolismo.
Labi sa sarong siglo o 158 na taon na an nakalihis magpuon kan ipabakal kan Russian Empire an Alaska sa kantidad na $7.2 million, sarong lakdang na inapod kaidto kan mga kritiko komo “Seward’s Folly.”
Alagad sa paglihis kan panahon, napatunayang importante an Alaska sa estratehikong depensa kan Amerika, orog na sa panahon kan Cold War.
Ikukundusir an nasambitan ng meeting sa Joint Base Elmendorf-Richardson, sarong mayor na military installation sa Anchorage.
Sigun sa mga opisyal, pag-uulayan ninda Putin asin Trump an sarong kontrobersyal na suhestyon kan “land swap” komo parte kan posibleng kasunduan sa katrangkiluhan sa Ukraine.
