Pigkumpirmar na ni National Bureau of Investigation (NBI) Director Jaime Santiago na igwang nagkapirang kaso na sindang naisunad kontra sa Vlogger na si Claire Contreras o bistado komo si “Maharlika” asin si dating Presidential Spokesperson Atty. Harry Roque.
Pinangenotan kan NBI Cybercrime Division an pagsunad nin kaso huli sa pagpapakuriyat kan duwa nin “polvoronic” video soboot ni Presidente Ferdinand Marcos Jr.
An video an naipost sa social media ni Contreras asin ini an naglakop.Kan nakalihis na Marso 13, 2025, pig-ako ni Maharlika na ini an nasa likod kan pagpapalakop kan video.
Mantang si Roque sa ginibo kaining video stream, pig-enkaminar kaini an publiko na kontrahon an gobyerno.
Nahahampang ngunyan si Maharlika sa mga kasong Unlawful Use of Means of Publication and Unlawful Utterances, Inciting to Sedition, Cyber Libel, asin Computer-Related Forgery mantang si Roque an nahahampang sa kasong sedition.
