Aram baya nindo mga ka-bombo, sarong grupo sa Georgia an naibulsa an ikatolong Guinness World Records title sa paagi kan pagkawat nin kickball na nagdurar nin hasta 52 na magkasunod na oras.
Susog sa report an Men Opposing Sex Trafficking o MOST nagtipon nin 27 lalaki asin 13 babae tanganing puonan an kawat na kickball.
Sigun ki Bruce Deel, an founder asin chief executive kan MOST, an nasambitan ng pagpurbar an nakatipon nin nasa labi $200,000.
Katakod digde, pigsaysay ni Deel na obheto kan saindang lakdang na magheras nin impormasyon dapit sa sex trafficking asin pagtatao nin tabang sa mga biktima kaini.
An nasambitan ng team opisyal na naibulsa an Guinness World Records para sa longest marathon playing kickball.
Marurumduman, an MOST dati naman naibulsa an records para sa longest softball game asin longest basketball game.
