NAGA CITY – Sarong lalaki an nagin biktima kan shooting incident sa banwaan kan Tinambac Camarines Sur.
Sa entrevista kan Bombo Radyo Naga ki PCpt. Liza Jane Alteza – Spokesperson CSPPO sinaysay kaining magkairiribahan sa inuman mantang saro sa mga kainuman an may bitbit nin kalibre 38 na badil.
Asin kan medyo maburat na an suspek nagparapaputok na kan badil asin kan mahiling an biktima na nakatindog sa may parte kan poon kan niyog bigla soboot ining pigtutukan asin nabadil sa walang parte kan tabay.
Tolos man na pigdara an biktima sa ospital alagad nakatakas an suspek na presenteng pighahanap pa kan mga otoridad.
Narekober man kan mga otoridad an badil asin padagos man iimbestigaran kun ini lisyensiyado o bako.
An mga nag-iirinuman na imbwelto sa shooting incident an kapwa mga paraoma sa nasambitan na banwaan.
