NAGA CITY-Gadan an sarong lalaki makalihis ining saksakon nin sundang sa Buenavista, Quezon.
Binisto an biktima na si Dominggo San Pedro Olaviaga, 50 anyos, residente kan Brgy San Roque Catanauan, Quezon, mantang binisto man an suspek na si alyas Jerry, 58 anyos, residente kan Brgy. Maligaya, Buenavista, sa kaparehong probinsya.
Sa nagunong impormasyon kan Bombo Radyo Naga sa Quezon Police Provincial Office, napag-araman na nagsiring soboot sa Buenavista Municipal Police Station an barangay Kapitan kan Brgy.Maligaya, Buenavista alas 6:45 nin banggi kasuugma, Abril 12, tanganing mag-report na may nagin biktima nin pananaksak sa saindang barangay.
Basado sa inisyal na imbestigasyon kan mga awtoridad, alas 3:30 soboot kasuugma nin hapon, Abril 12, mantang an biktima sakay sa motorsiklo kaini kan bigla na sana soboot nagkurahaw nin muda si alyas Jerry, pigluwas an saiyang sundang, asin pigsaksak sa walang parte kan saiyang tulak an biktima na si Dominggo na tulos kaining kinagadan.
Makalihis an krimen boluntaryong nag-suko soboot an suspek sa chief tanod kan Brgy. Maliga, Buenavista.
Sa ngunyan, pigdara na an suspek sa Buenavista Municipal Police Station para sa magkakanigong disposisyon.
