Mientrastanto, pig-enkaminar man ni Associate Justice Kho an Philhealth na hagadon ki Presidente Ferdinand R. Marcos Jr. na bweltadahon an P60 billion na pondo kan Philhealth na ibalyo sa National Treasury komo unprogrammed funds.
Hurot kan mahistrado na dapat gamiton an nasambitan ng mga pondo tanganing mapahewas pa an mga benipisyo kan Philhealth, mapamarhay an mga serbisyo, asin magkua nin dugang na mga personahes tanganing masimbagan an mga pangangaipuhan sa healthcare kan nasyon.
Nakatalaang isagibo an masunod na pagdangog sa Abril 29 kasabay kan piglalaomang pagdesisyon kan SC sa magigin kapalaran kan kontrobersiyal na Philhealth fund transfer.
Sinaysay ni Supreme Court Associate Justice Antonio Kho Jr. na napapanahon na tanganing i-overhaul an Philippine Health insurance Corporation (Philhealth) kaibahan an pagpaparibay kan board kaini sa tahaw kan kabiguang magsunod sa pigmamandato kan ley katakod sa paggamit kan pondo kaini.
Ginibo kan mahistrado an pahayad sa ika-tolong round kan oral argument sa mga petisyon na nagkukuwestiyon sa konstitusyonalidad kan Philhealth fund transfer sa national treasury kan nakalihisbna Martes.
Digde, pigkuwestiyon ni Kho kun pano ginibo kan Philhealth an budget request kaini sa General Appropriations Act (GAA) na dapat magpuon soboot sa mga koleksiyon kan buwis, kaibahan an gikan sa mga taxes asin gaming revenues, sigun sa pigsusugo kan ley.
Inamin ni Department of Health (DOH) Spokesperson Assistant Secretary Albert Domingo na pigko-compute kan Philhealth an budget request kaini base sa numero kan mga indirect members sa saindang database asin dae nagbase sa computation sa sin tax allocation.
Huli digde, pigkuwestiyon ni Kho an Philhealth kun pigbabalewala kaini an mga legal funding sources kaini, na sinimbga man ni Domingo na an mga pige-enot sana sa prinsipyo kan pagbabadyet kan Philhealth an mga pangangaipuhan na nakabasae sa alokasyon imbes na maglaom sana sa mga piglalaomang kita kan gobyerno.
Rason man ni Kho na an self-imposed funding limits kan Philhealth an magpugol sa state insurer na ganap na masimbagan an healthcare needs kan mga Pilipino.
