Para sa Bagong Henerasyon Party-list, napatotoohan soboot na sa ngunyan na nag-iiral na demokrasya igwang hangganan an kapangyarihang politikal asin dae madadaog an anuman na aksyon kan supermajority o mayorya kan mga kongresista an Konstitusyon.
Ini an pahayag ni Bagong Henerasyon Party-list Rep. Robert Nazal makalihis na pagtibayon kan Korte Suprema aan enot na kaining deklarasyon na unconstitutional an Articles of Impeachment kontra ki Vice President Sara Duterte.
Marurumduman sa nakalihis na 19th Congress saro si dating Bagong Henerasyon Party-list Rep. Bernadette Herrera sa mga kongresistang dae nagtinta sa Articles of Impeachment kontra sa bise presidente.
Naglalaom ini na an ruling kan Korte Suprema an maserbeng giya sa mga opisyal kan gobierno.
Pagirumdom pa ni Nazal, parte kan saindang responsibilidad an pagsunod sa Saligang Batas asin an pag-utob sa tiwala kan namamanwaan kaya maski nahahampang sa labing pressure, dapat pa man sindang manindugan sa kun ano an tama.
