Kinumpirmar ni Senate President Pro Tempore Panfilo Lacson na hinali kan Senado an inaapod na “allocables” gikan sa P6.793-trillion propwestong pondo para sa 2026 sa ibong pa kan kan mga pagtutol digde kan saiyang kaibahang mga Senador.
Naenot nang iniladawan kan Senador an nasambitan ng allocables komo bagong “pork barrel” huli sa pigtutugutan kaini an pagpopondo sa mga proyekto antes pa man matukoy an mga ini.
Sigun sa saiya, mabukas ini nin pintuan para sa pag-abuso siring kan manipuladong bidding para sa mga kontrata na mabenepisyo sa mga pinaburang indibidwal.
Apwera digde, kinumpirmar man kan lehislador na hinali kan Senado an ayuda asin iba pang items na may political patronage gikan sa mga item na popondohan kan unprogrammed funds.
Pigbuyagyag man kan Senador na nakaresiber nin impormasyon an Majority bloc kan kapulungan na pirang lehislador kabali na an mga Senador an nagpipirit sa kanya-kanyang amendments sa 2026 General Appropriations Bill (GAB) mantang pinag uulayan ini, bagaman napakarhay ini kan maaprubaran na kan mga Senador an budget bill sa ikaduwang pagbasa nin mayo an allocables.
Nakatalaan man na aprubaran sa ikatulong pagbasa an nasambitan ng budget bill sa masunod na semana.
