Pigrekomendar kan Senado an pagsusunad nin kaso kontra ki suspended Bamban, Tarlac Mayor Alice Guo.
Ini an huli naman sa dae paghampang ni Guo sa imbestigasyon kan Senado dapit sa iligal na operasyon kan mga POGO sa ibong kan arrest order kontra sa alkalde.
Basado sa magigin rekomendasyon ni Senator Sherwin Gatchalian, magsusunad an Senate secretary kontra ki Guo kan kasong pagbalgar sa Article 150 kan revised penal code dapit sa disobedience to summons o pagsuway sa pagpapa-apod sa saiya kan
Senado.
Pigsuportaran man ni Senate President Chiz Escudero an suhestyon ni Gatchalian asin kun enkaso magigin test case ini huli ta ngunyan sana magsusunad nin kaso an Senado kontra sa dae paghampang kan sarong indibidwal sa imbestigasyon.
An kasong disobedience to summons an igwang kapadusahan na arresto mayor o pagkakakarsel nin sarong bulan asin sarong aldaw hasta sa anom na bulan asin igwang multang P40,000 hasta P200,000.
