NAGA CITY – Nagtitinir na dae maagihan an spillway bridge sa Barangay Iyaga sa banwaan kan Baao, Camarines Sur makalihis na maraot huli sa labing pagbaha na dara kan pag-uuran huli sa bagyong Carina.
Sa entrevista kan Bombo Radyo Naga ki PCPT. Jose Ablan, DCOP kan Baao, MPS, sinaysay kaini na kan nakalihis na July 24, 2024 naraot an nasambitan ng spillway na nagkokonektar sa Ocampo asin Baao huli naman sa pagbaha na kawsa kan raot nin panahon.
Katakod kaini, sigun ki Ablan, ipinagbabawal muna an pag-agi sa nasambitan ng lugar asin gamiton an mga alternatibong agihan tanganing malikayan an anuman na insidente.
Dugang pa kan opisyal, kan taong 2021 pa nairehistro na naraot an spillway kun kaya dae naman soboot bago an siring na pangyayari.
Mientrastanto, mayo man soboot pagbaha na nairehistro sa kasentruhan kan Baao siringman mayo man naikurit na ualties huli sa pag-uuran na dara kan nasambitan ng raot nin panahon.
Sa ngunyan, liwat na sanang pig-abisuhan ni Ablan an saindang mga residentes na ugalion na magsunod sa mga otoridad sa panahon kan kalamidad tanganing malikayan na makapagrehistro nin mga casualties.
