NAGA CITY – Piglinaw kan tapagataram kan CASURECO II na dae ninda kontrolado an sarong nation issue pag-abot sa supply kan kuryebre sa aldaw nin election.
Sa entrevista kan Bombo Radyo Naga ki Rinner Bucay, tagapagataram kan CASURECO II, sinaysay kaini na huli sa pirang aldaw nang namamatean na labing init kan panahon, asin huli sa pirang semana na puon kan maglaog an dry season, kasabay kaini an pag-anunsyar naman kan National Grid Corporation of the Philippines dapit sa mga emergency shutdown kan mga powerplants.
Boot sabihon kaini, makakaapektar man ini sa magiging supply kan kuryente sa saindang nasasakupan sa maabot na bulan nin Mayo, Hunyo, Hulyo magin an presenteng bulan.
Sigun pa ki Bucay, dapat mamantinar an supply asin sukol kan kuryente bako sanang sa saindang kooperatiba alagad sa bilog na nasyon.
Enkaso man magkulang an supply kan kuryente pag-abot kan aldaw nin eleksyon, mayo soboot magiginibo o dae kontorlado kan saindang kooperatiba an National Issue. Kun kaya, bako sanang an saindang lado an dapat magpreparar kan siring na problema alagad magin an gabos na kooperatiba sa nasyon.
Alagad, igwa naman soboot piggibo nin precautionary measure an gobierno, na makakaapektar man sa saindang babayadan, nin huli ta an gagamiton digdi an diesel generator.
