NAGA CITY-Pigpagirumduman kan Department of Labor and Employment(DOLE) an mga employer manunungod sa tamang pasahod para sa mga obrero na malaog ngunyan, Hunyo 12, Aldaw Nin Katalingkasan.
Sigun sa DOLE, kaipuhan sunudon kan mga employer an double pay o 200% na pasahod para sa mga empleyadong malaog.
Kun nag-overtime man an empleyado dugang na 30% kada oras man an maidudugang sa saiyang sahod.
Kun nasakto man na rest day ngunyan kan sarong empleyado alagad naglaog pa man ini, dugang na 30% man an saiyang makukua, maliban pa sa double pay.
Para man sa mga empleyado na dai malaog sa regular holiday, makakakua pa man an mga ini nin 100% kan saindang sahod, basta maglaog sinda antes an holiday.
