Pig-inkaminar ni Pasang Masda president, Roberto Martin an Department of Energy (DOE) na imbestigaran an dae makatwirang adjustment sa presyo nin mga produktong petrolyo.
Sigun ki Martin, haros dae na makatarungan an halangkaw na ini-angat kan presyo kan mga produktong petrolyo magpuon kan nagpuon naman an 2025 mantang kakadikit sana an inabot kan rollback kaini.
Sa tulong magkakasunod na semana na nagkaigwa nin langkaw presyo, nag abot na sa P5.00 an nilangkaw sa kada litrong presyo kan diesel, P3.45 an kada litrong nilangkaw sa presyo nin gasolina, mantang P4.30 an piglangkaw sa kada litrong presyo nin kerosene.
Sa huring adjustment, nagkaigwa nin rollback alagad nag abot sana sa P0.80 an ibinaba sa kada-litrong presyo nin gasolina, P0.20 an ibinaba sa kada litrong presyo nin diesel, asin man P0.50 sa kada litro nin kerosene.
Sigun pa ki Martin, kaipuhan nang imbestigaran ini kan DOE asin tukuyon an rason kan ‘uneven’ na paglangkaw asin pagtapyas kan presyo nin mga produktong petrolyo.
Enot nang pigtutulak kan nasmabitan ng grupo an dos pesos minimum na paglangkaw sa pamasahe sa jeepney huli sa serye nin langkaw presyo kan gasolina.
Sigun sa grupo, nagbaba nin P130 an aldawang kita nin mga jeepney driver huli sa serye nin langkaw-presyo kaya man kaipuhan na nin dagdag-pasahe
