NAGA CITY – Pigkundusir sa banwaan nin Calabanga, Camarines Sur an TUPAD payout kan Department of Labor and Employment (DOLE).
Sigun ki Adonis Aguilar Jr., Municipal Councilor- LGU Calabanga, na nasa labi 1,800 na mga Calabangueños an benepisyaryo kan nasambitan ng programa.
An mga benepisyaryo an sampulong aldaw na nagtrabaho sa kanya-kanyang mga barangay kan banwaan. Kun saen, mareresiber ninda an haros nasa P3,950 kada indibidwal asin sa tutalamenteng payout nagpakol sa P7.4-M.
An nasambitan naman na kantidad an dakulang puntos sa banwaan para sa ekonomiya namakakadugang sa pagbuhay kan mga sararadit na negosyante.
Mientrastanto, posible paman soboot madugangan an nasambitan ng numero kan mga benepisyaryo nin huli ta na programa an bako sanang sa paagi kan Provincial Government alagad magin iba pang ahensya kan gobierno na nagpapasunod kaini.
Sa ngunyan, magpapadagos soboot an saindang mga lakdang tanganing padagos na matabangan an saindang mga nasasakupan.
