Ipighayag ni U.S. President Donald Trump kan nakalihis na Biyernes na pwedeng magpuon na an pakikipag-ulay kan Amerika sa China ngunyan na aldaw o saaga aldaw nin Martes katakod kan posibleng kasunduan para sa pagpapabakal kan Tiktok.
Marurumduman na kan nakalihis na bulan, pinalawig ni Trump an deadline para sa ByteDane, an China-based owner kan Tiktok, tanganing ipabakal an U.S. assets kan app hasta Setyembre 17.
Sarong kasunduan na ibabalyo sa sarong bagong U.S. based na kumpaynya an operasyon kan Tiktok sa Amerika na haros naipapakarhay na ngunyan na taon, alagad napugolan makalihis tutolan kan China, kasunod kan anunsyo ni Trump na mas halangkaw na taripa sa mga produktong gikan sa China.
Sigun sa Presidente, kaipuhan aprobaran pa kan China an anumang magigin kasunduan.
