Pig-anunsyo kan Holy See Press Office na ikukundusir an Misa Pro Eligendo Romano Pontifice o Misa para sa pirilian kan bagong Santo Papa sa Miyerkules, Mayo 7, 2025 nin alas-10 nin aga (alas-4 nin hapon, oras sa Manila) sa St. Peter’s Basilica.
Ini an pangengenotan ni Cardinal Giovanni Battista Re, Dean of the College of Cardinals.
Mientrastanto, sa Lunes, Mayo 5, 2025, pasado alas-5:30 nin hapon (alas 11:30 nin banggi, oras sa Manila), gaganapon an pagsumpa kan mga opisyal asin pag-iriba sa Conclave sa Pauline Chapel kan Vatican Apostolic Palace.
Kaibahan sa masumpa an mga padi, madre, doktor, gwardiya, asin iba pa pang mga tawo sa lugar.
Pormal na mapoon an Conclave sa Miyerkules, Mayo 7, alas-4:30 nin hapon (alas-10:30 nin banggi, oras sa Manila) kun sain an mga Cardinal Electors an malaog sa Sistine Chapel tanganing puonon an proseso para sa masunod na Santo Papa.
An mga Cardinal masulot nin tradidyunal na bado pansimbahan asin maagi sa epiritwal na prusisyon pasiring sa Sitine Chapel mantang kinakanta an Veni Creator Spiritus.
Mahigot an ipapatupad na seguridad asin limitado sana an makakalaog sa laog kan Conclave.
