Pigbasura na ngunyan ni Vice President Sara Duterte sa Department of Justice an reklamong pigsunad sa saiya kan National Bureau of Investigation.
Ini an igwang kinaaraman sa nagin pagbabanta kaini sa buhay ni Presidente Ferdinand Marcos Jr., FL Liza Araneta Marcos asin House Speaker Martin Romualdez.
Partikularment na pigsunad kan NBI an reklamong Sedition asin Grave Threats na igwang koneksiyon sa Cybercrime Prevention Act of 2012.
An kahagadan na ini an nakapalaog sa pigsunad na counter-affidavit kan bise sa paghampang na ini sa preliminary investigation kan DOJ sa saiyang reklamo kasuodma, Mayo 9.
Nakasaysay sa nasambitan ng salaysay na dapat sana na dae na ipagpadagos pa an pagdangog kan kaso asin pigbasura na sana ini.
Katakod kaini, naglalaom an kampo kan bise na matatawan nin due process an reklamong pigsunad kontra sa saiya.
