Maski nag-pahayag an Iran na tutugutan an ligtas na pag-agi nin mga barkong may kargang langis pasiring sa Pilipinas sa Strait of Hormuz, dae pa man giraray piglalaoman na magbaba an presyo nin gasolina sa mga gasolinahan, hali sa halangkaw na lebel ini poon kan magkagiyera sa Middle East kan Pebrero 28.
An Strait of Hormuz, na ngunyan kontrolado kan Iran, sarong mahalagang daluyan nin pandaigdigang pag-agihan nin langis, kun saen halos ika-limang parte kan suplay nin krudong langis sa bilog na mundo an nag-aagi digdi.
An kritikal na punto sa pahayag kan Department of Foreign Affairs (DFA) nagtutok sa kasiertuhan nin kaligtasan dai sana para sa mga barkong may bandera nin Pilipinas—na pipira man sana an bilang—kundi pati sa mga kargamento nin “energy sources” na pasiring sa Pilipinas, kabilang an krudo, mga produktong langis, asin natural gas.
