NAGA CITY-Pigtawan duon kan Department of Justice an pangangaipuhan kan whole-of- government approach tanganing mamanehar nin marhay an mga Philippine Offshore Gaming Operators sa nasyon.
Sigun ki Justice Usec. Undersecretary Raul T. Vasquez, kaipuhan na ikonsiderar asin siripon kan gobierno an mga negatibo asin positibong kawsa kaini sa mga komunidad asin sa nasyon sa pangkabilugan.
Ginibo kan opisyal an nasambitan ng rekomendasyon makalihis an sunod -sunod na operasyon kan gobierno sa mga ilegal POGOs na nag ooperate sa nasyon.Ini an huli naman sa pagkaka-imbwelto kan nagkapira sa mga kaso kan human trafficking, prostitution, kidnapping, cyber scams asin iba pang ilegal na aktibidad.
Sigun ki Vasquez, panahon na tanganing seryosohon ini kan gobierno huli naman sa posibleng magin epekto kaini sa national security asin public safety.
Pigsierto man kan ahensya na padagos an saindang mga ginagibong lakdang tanganing siripon an isyu kan POGO sa nasyon.
Pinapagirumduman man an mga foreigners na nagtatrabaho sa mga POGO na an saindang pagtinir sa nasyon an sarong pribilehiyo asin laoman na kaini an mahigot na pagpapautob kan mga otoridad kan ley sa Pilipinas.
