Dae mababa sa 14 na katawo an nagadan makalihis an sarong tigtutubudan na Suicide Bombing sa luwas kan himpilan kan pulisya sa hilagang-kanluran kan Pakistan.
Nangyari an pagsabog sa Kabal area sa Swat district kan Khyber Pakhtunkhwa Province.
Segun sa mga awtoridad, kabali sa mga nagadan an limang pulis, walong sibilyan, asin an tinutubudang suicide bomber.
Maabot man sa 18 an irido sa insidente.
Kasabay kan pagsabog, may isinasagibong pro-police rally sa lugar, alagad dae pa malinaw kun ini talaga an target kan pag-atake.
Inako kan militanteng grupong Tehreek-e-Taliban Pakistan an pananagutan sa insidente.
Nagpahayag man ning matinding pakikidamay si Pakistani Prime Minister Muhammad Shehbaz Sharif asin kinondena an pag-atake.
Naglunsad na man ning operasyon an pulisya tanganing maaraman asin madakop an iba pang posibleng sangkot sa pambobomba.
Padagos na naaatubang an Pakistan sa naglalalang insurgencies, lalo na sa mga border kaini, kung sain madalas na target kan mga pag-atake ang mga pulis asin militar.
Padagos na inaakusahan kan Pakistan an Taliban sa Afghanistan na nagtatao ning suporta sa mga militanteng grupo, sarong alegasyong tigninigar tan Taliban.
