Nanutaran an tolong barko kan China Coast Guard (CCG) sa Bajo de Masinloc mantang pigbabantayan kan Philippine Coast Guard (PCG) an mga parasitang Pilipino na naghahanap buhay sa lugar.
Sigun sa PCG, nagpadara sinda nin 3 barko asin sarong aircraft puon kan nakalihis na Enero 26 tanganing magtao nin suporta sa labi 40 filipino fishing vessels gikan Zambales, Bataan, Pangasinan asin Mindoro.
Sa kasagsagan kan misyon, naidokumento kan Coast Guard an presensiya kan mga barko kan CCG, alagad dae ini nagin ulang sa operasyon kan mga parasirang Pilipino sa lugar asin ipinagpadagos an saindang karapatan na makapagsira.
Pigtawan-duon man kan PCG na dae natitinag an posisyon kaini sa pagprotehir sa mga parasirang Pilipino asin paghurot sa sovereign rights kan nasyon sa pinag-aagawang kadagatan.
Mientrastanto, sigun sa PCG, nakaresebir man an mga parasirang Pilipino nin fuel subsidies, freshwater, yelo asin food packs tanganing masustiner an saindang fishing activities.
