NAGA CITY- Naipatake-down na kan mga kinauukulan sa social media giant na Meta an mapakol sa 500 social media account napag-aramang nauugnay sa ilegal na barakalan kan mga omboy online, sigun sa Department of Justice.
Sa tahaw ini kan nagpapadagos na paglalapigot kan mga otoridad na tugusin an gabos nin mga salarin na embwelto sa ilegal na online selling na mga omboy komo parte kan obhetong dagusan na ining sugpuon.
Sigun ki Justice Spokesperson, Asec. Mico Clavano, an nasambitan ng numero kan mga Social Media account na Naipa-take down na an bako pang bastante.
Ini soboot an karasonan na kadakol pa man na mga social media account na nagigibo man kan kaparehong ilegal na aktibidad. Soboot, presenteng nang nakikipagkoordinar an cybercrime division kan DOJ Sa Palasyo kan Malakanyang, mantang an National Bureau of Investigation, magin an Inter-agency Council Against Trafficking an nakikipagtabangan na man sa Social media giant na Meta dapit digdi.
Mientrastanto, kasabay kaini, nangangapodan man an ahensya sa Meta na sana an magkaigwa pa soboot ini nin mas kadakol na mga inisyatiba, programa, asin mekanismo tanganing aramon an pagpapautob kan proteksyon kan mga jovenes online.
