Nagluwas nin recorded audio message si Pope Francis na nagpapasalamat sa mga nangadyi sa saiyang pagrahay huli man sa saiyang pneumonia.
Ini man an kaenut-enuting pagkakataon na nadangog an boses kan Papa makalihis ining ma-admit sa Gemelli ospital kan nakalihis na Pebrero 14.
Nagtipon an mga deboto sa St. Peter’s Square kada banggi tangani mangadyi sa dagusang pagrahay man Papa.
Ikina-ogma man kan mga tawong nagpasiring duman kan madangog an boses kan Santo Papa. Sinabi kan Vatican Kan nakalihis na aldaw nin Huwebes na an Papa an nasa stable nang kondisyon.
Nagpapadagos man an saiyang breathing exercises asin physiotherapy, asin mayo nang kalintura asin nakakagibo na man nin saiyang trabaho sa pagkaaga asin hapon.
An Vatican an nagtatao nin updates duwang beses sa sarong aldaw sa kondisyon kan salud man Papa. Dae naman nagibong mag atendir ini sa formal Ash Wednesday celebration sa Roma, na hudyat nin pagpupuon kan Kwaresma alagad nakiparte man sa pagbasbas sa pribadong suite sa 10th floor kan Gemelli.
