Pighali kan Malakanyang an kahaditan ni Vice President Sara Duterte na igwa nin huma sa buhay ni dating Presidente Rodrigo Duterte.
Ini man an makalihis na kwestiyunon kan Palasyo an pahayag ni Vice President Sara Duterte na posibleng maparehas ki Ninoy Aquino an posibleng kahihinatnan ni dating Presidente Rodrigo Duterte enkaso man mapapuli na ini sa nasyon.
Sigun man ki Palace Press Officer Claire Castro na dae pwede na maikukumparar si Duterte ki Aquino, nin huli ta mayo man nin nagin rekord si Aquino nin mass murder o crimes against humanity.
Dugang pa ni Castro, basado sa mga nagin patara-tara kaidto ni Duterte ay dae kaini pigpaparehas an saiyang sadiri ki Ninoy Aquino, kundi man ay kay Adolf Hitler na kun saen minsan na kaining sinabi na kun may Hitler man soboot an Germany, may Duterte man an Pilipinas.
Pigkuwestyon ini ni Castro, kun saen pighuhugot ni VP Sara an storya na igwa nin huma sa buhay kan dating Presidente.
Nin huli ta hasta sa ngunyan, magin an pig sasabing pagtao nin huma soboot sa buhay kan Bise Presidente ay dae pa man naipi-presentar sa NBI asin PNP.
Pighurot pa ni Castro na antes magpaluwas nin siring na mga mga pahayag, kaipuhan na igwa nin konkretong batayan. Sa huri, pigtawan duon kan Palasyo na mayong katotohanan na igwa nin huma sa buhay ni dating Presidente Duterte.
