Pighihiling na kan Philippine National Police (PNP) na saro sa mga motibo sa pagkidnap asin man paggadan sa filipino-chinese business man na si Anson Que asin sa driver kaini na si Armanie Pabillo an posibleng pagigin imbwelto kaini sa mga Philippine Offshore Gaming Operators (POGO) activities.
Paliwanag ni PRO III Director asin PNP Spokesperson PBGen. Jean Fajardo, pwede na sangkot kaya sa mga aktibidad na ini si David Tan Liao asin nagkapira pang mga indibidwal na pighihiling man na pwedeng magin sangkot sa nasambitan ng krimen.
Ini sana an nagkapirang mga indikasyon na nahihiling kan PNP na an insidenteng ini orog na an mga tao na nagdukot asin naggadan ki Que an may posibilidad na may koneksyonn sa POGO.
Sa nagin pagsunad kaya kan search warrant sa harong na pig iistaran ni Liao, nasamsam an pirang mga computers asin gadgets na posibleng ginamit tangani mag-operate nin mga scam hubs asin iba pang POGO related activities.
Dakula man soboot an posibilidad na an mismong harong ay bako sana pinangyarihan kan pira pang krimen asin pighihiling na posibleng saro man na mini POGO hub.
Mientrastanto, nakatalaan man na isairarom sa forensic examination an mga nasakoteng gadgets para sa data analysis kaini kan maaraman kun an mga ini ay ginamit sa pagscam asin sa dawa ano man na POGO related operations.
Nagkapirang mga ebidensya man an nasa kustodiya na kan PNP na iyong mas makakapagduon ki Liao komo operator kan sarong kidnap-for-hire syndicate na iyong nakakaresiber kan mga sugo gikan sa mga financers tangani gadanon an mga biktima.
Sa ngunyan ay nasa proseso na kan documentation kan mga ebidensya an PNP asin Anti-Kidnapping Group Unit tangani madakop na an mga indibidwal na iyong imbwelto sa insidente.
