NAGA CITY – Padagos an pag-umento kan presyo kan karneng orig sa siyudad nin Naga.
Sigun ki Manuel Guisic Jr., Meat Vendor sa siyudad nin Naga, na huli ta halangkaw an presyohan sa buhay na orig, kun kaya halangkaw man an presyo kan karneng orig.
Saro pa sa rason kaini an huli sa kakulangan nin suplay kan buhay na orig asin igwa nin mga byaherong naglalaog sa siyudad kun saen halangkaw man an bakal.
An siring na presyohan an labi mang nakakaapektar sa konsumedores, kun kaya, naaapektaran man an saindang pagkita.
Mientrastanto, sa presente, nagkakawat sa P230 kada kilo an buhay na orig, an laman nasa P400 kada kilo, an sapsap nasa P430.
Sa ngunyan, piglalaoman pa ni Guisic an padagos na paglangkaw kan presyo kan nasambitan ng karne, kun kaya yaon man an saindang paghagad sa mga konsumedores nin pag-intindi.
