Pigsierto ni Justice Secretary Jesus Crispin Remulla na makakalaom soboot si Vice President Sara Duterte na igwang ‘due process’ sa Department of Justice.
Kun saen pigheras kaini na makakasiguro an kampo kan Bise Presidente na maagi sa tamang proseso an imbestigasyon sa mga kinaka-imbweltuhan kaini.
Soboot laoman ni Vice President Sara Duterte an ‘due process’ sa mga preliminary investigation kaini na makapirang utro man na isinambit kan saindang lado.
Ini an katakod pa man sa mga aksusasyon na kinakaatubang kan Bise Presidente makalihis man na magsunad nin mga reklamo an National Bureau of Investigation kontra sa saiya.
Naaatubang si Vice President Sara Duterte sa mga akusasyon na reklamong ‘inciting to sedition’ asin ‘grave threats’ huli sa mga pagtaong huma na binutasan kaini sa buhay kan Presidente kan nasyon.
Alagad paglilinaw man ni Justice Secretary Jesus Crispin Remulla na bako soboot ini an may kapot sa kun ano man an magigin desisyon sa mga reklamong pigsunad kontra sa Bise Presidente.
Soboot, Prosecutor-General an nangengenot sa mga preliminary investigation asin man nasa saindang hurisdiksyon an magigin resulta kun dagusang maisusunad komo kaso ini sa korte o dagusan na sanang maibabasura.
Mientrastanto, sa kampo man kan bise presidente, makapirang utro nindang sinabi na sinda soboot malaom na magkakaigwa nin ‘due process’ sa pagatubang kan Bise Presidente sa mga akusasyon kaini.
Kun saen pigheras ni Atty. Michael Poa, saro sa mga abogado ni Vice President Sara Duterte na nilalaoman nindang dae isasantabi sa ginigibong imbestigasyon an ‘due process’ na dapat soboot sinusunod sa kada prosesong isinasagibo.
Makalihis man soboot an primerong unang preliminary investigation, nakatalaan man na ikundusir an ikaduwa kaini sa papaabuton na ilabing-anom kan Mayo sa presenteng taon.
