Maabot sa labi P4-milyong kantidad kan drogang ecstasy asin heroin an nakumpiskar kan Bureau of Customs (BOC).
Sigun sa BOC, nakumpiskar ninda an P4.43 milyong kantidad kan droga sa Ninoy Aquino International Airport (NAIA).
Naharang an anom na parcels sa Central Mail Exchange Cneter kan palupadan kun saen kan ini bukasan, nagtambad an 1,330 na tableta kan ecstasy asin 362 gramo kan heroin.
Dugang pa kan BOC na an nasambitan ng iligal na droga an gikan sa Ireland, the Netherlands, asin Thailand kun saen ini an pigdeklarar komo mga skincare products asin plumbing materials.
Sinaysay ni Customs Commissioner Bienvenido Rubio na an operasyon an huli sa pakikipagtabangan sa Philippine Drug Enforcement Agency (PDEA) asin NAIA Inter-Agency Drug Interdiction Task Group (NAIA-IADITG).
Ipinasakamot na kan BOC an mga iligal na droga sa PDEA mantang padagos an isinasagibong imbestigasyon kan mga otoridad.
