Nangapodan si Philippine National Police (PNP) Chief PGen.Rommel Francisco Marbil sa mga pulis na ibweltada liwat an disiplina asin integridad kan saindang kabuhan sa irarom kan sarong direktiba na ‘Go back to basics’.
Sigun sa hepe, obheto kaini na pagtibayon liwat an propesyonalismo asin disiplina sa mga pulis tanganing masimbagan na marhay an mga problema kan saindang organisasyon.
Ini an komo kasimbagan sa nagin pangapodan ni Presidente Ferdinand Marcos Jr. na mas pakusugon pa an saindang pagtataong-importansiya sa saindang propesyon tanganing liwat makua an tiwala kan mga mamamayang Pilipino sa mga institusyon kan gobyerno.
Sa nagin Command Conference sa kampo, panahon na tanganing magbweltada sa saindang kabuhan komo mga sandigan kan bayan para sa tunay na pagsisirbi.
Dapat man soboot itama an mga gawi na iyong naghahadlang sa pag-uswag kan saindang organisasyon asin mas pahewason asin pahigoton an sistema na pigtatawan-importansiya kan saindang kabuhan.
Mientrastanto, pigsierto man ni Marbil na padagos sana an saindang hepatura sa pagbubusol kan mga reporma sa irarom kan sarong mahigit na pamamayo kan pamayuhan tanganing masierto na an lambang miyembro kan kapulisan an dapat na representantes sa integridad, serbisyo asin igwang paninimbagan.
