Malabo soboot tugotan an “work from Hague” para ki dating Presidente Rodrigo Duterte.
Ini an sinabi ni Interior Sec. Jonvic Remulla, makalihis an kapangganahan kan dating presidente sa mayoralty race sa Davao City.
Sinaysay ni Remulla na ipapaaram kaini sa International Criminal Court (ICC) kun pwedeng ipadara kan Pilipinas an sarong konsul tanganing manumpa si dating Presidente Rodrigo Duterte komo alkalde kan Davao City.
Sa ibong kan saiyang pagkakakulong sa ICC huli sa mga alegasyon kan crime against humanity, si Duterte an opisyal na idineklarang alkalde kan Davao City.
Nanggana si Duterte na igwa nin labi 662,000 boto kontra sa saiyang kalaban na si Karlo Nograles, na nakakua sana nin 80,000 boto.
Huli sa saiyang pagkakakulong, an saiyang aki na si Davao Vice Mayor Sebastian Duterte an magsirbing acting mayor sa panahong mayo ini, sigun ki Remulla.
