Antes man an pig-aabangang pagbabalik sa ring ni Manny Pacquiao sa Hulyo, meenot na masagupa liwat tangani magin kampeon an four-division world champion na si Nonito Donaire sa hunyo 14 sa Buenos Aires, Argentina.
Sa iniluwas na pahayag kan World Boxing Association (WBA), nakabugtak na makakasagupa kan 42-anyos na Filipino Flash na si Donaire an 28-anyos na si Andrés Campos, kan Chile.
Nakataya sa laban an Interim WBA Bantamweight title na ikukundusir sa Casino Buenos Aires.
Liwat na naglaban si Donaire kan nakalihis na Hulyo taong 2023 kotra ki Alexandro Santiago, na iyong nagtrayumpo via unanimous decision tangani makua an bakante na WBC world bantamweight belt.
Sa pagbweltada kan Filipino Flash sa ring, bitbit kaini an 42-8 fight record, kaiba man an 28 knockouts. Mantang markado kan 17-2-1 record si Campos, kaiba an 6 KO.
Pagkatapos kan laban ni Donaire, aabangan man kan mga Pinoy boxing fans sa Hulyo 19, an pagbabalik man ni Pacquiao, 46-anyos, sa ring tangani porbaran na liwat na magin world champion.
Lalabanan ni Pacquiao an mas hubin asin man mas halangkaw na si Mario Barrios, tangai agawon an kapot kaining WBC world welterweight belt. Ikukundusir man an nasambitan ng sagupaan sa MGM Grand sa Las Vegas, USA.
