Katuwang kan San Jose Municipal Police Station an komunidad para sa pagresolbar kan mga nangyayaring kriminalidad sa banwaan kan San Jose, Partido Camarines Sur.
Sa entrevista kan Bombo Radyo Naga ki PCPT Mark Spaña, OIC kan San Jose MPS, sinaysay kaini na labi an saiyang pasasalamat sa gabos na nagtao nin suporta sa sainda tanganing maarestar an mga indibidwal na nagkakasala sa ley dawa pirang taon na.
Sigun ki Spaña, an panibagong pagkakaarestar kan duwang indibdwal na igwa nin warrant of Arrest huli sa kasong theft asin ilegal gambling kan nakalihis na aldaw an sa tabang kan mga komunidad.
Mantang saro man an boluntaryong nagsuko huli ta haloy na an kasong saiyang pigkakahampang.
Huli sa pamamayo kan nasambitan ng hepatura, asin an siring na mga boluntaryong pagsuko kan mga akusado an resulta sa saindang pigsasagibong regular na barangay asin school visitation.
Dugang pa kaini, dae na soboot sinda nadidipisilan na magguno nin mga impormasyon orog na an mga igwa nin pending na warrant of arrest sa banwaan.
Katakod kaini, padagos pa man nindang pigrerespeto pag-abot sa humanos derichos na saro man sa deriktiba kan saindang bagong Chief PNP.
Apwera pa digdi, dakulang tabangan man an pigtaong dugang na behikulo sa saindang hepatura kan LGU San Jose tanganing tulos na makaresponde sa mga insidente na naikukurit sa nasambitan ng banwaan.
