NAGA CITY – Pigdeklarar na drug-cleared an nasa 17 mga barangay sa Bicol Region.
Sa total na 2,793 na barangay sa bilog na rehiyon, nasa 2,428 na pigdeklarar na drug-cleared.
An mga nasambitan ng barangay an gikan sa Masbate: Brgy. Burgos, Batua; mantang tolo man gikan Albay; kinababalihan ini kan Brgy. Maroroy, Daraga, Brgy. Cagmanaba, Oas asin Brgy San Lorenzo.
Nagpakol man sa 13 barangay an pig-deklarar na drug-cleared sa probinsya kan Camarines Sur partikular na sa Brgy. Sta. Elena, Iriga City; Brgy. Caditaan, Ragay; Brgy. Busak asin Pagoring, Nuevo, Libmanan; Brgy. Delos Angeles asin Sta. Clara, Brgy. Cagmanaba, Del Rosario, May Ogob, La Purisima Nuevo, Poblacion East, San Francisco asin San Jose, Ocampo.
Mientrastanto, tanganing magin drug-cleared an sarong barangay, kaipohan kaining makumplay an mga criteria, siring na sana kan absence of drug supply, drug pushers asin users; mayong nanunutaran na drug dens o laboratories; an presensya kan Barangay Anti-Drug Abuse Council (BADAC); asin an pagkundusir nin sustained demand-reduction, rehabilitation asin reintegration programs.
