Inihayag kan Department of Justice (DOJ) na posibleng mas kadakol pang personalidad apwera sa sarong ‘celebrity’ an imbwelto soboot sa pagkawara kan mga biktimang sabungero.
Sigun ki Justice Secretary Jesus Crispin Remulla, posbleng may iba pang mga bistadong tao an iniimbestigaran dapit sa mga nawawarang sabungero.
Alagad nagsayuma na munang kumpirmaron kan nasambitan ng sekretaryo kun igwang katotohan na kaiba sa kasabwat kan ‘mastermind’ an sarong bistadong babaeng artista.
Dae na muna soboot ini matao nin kumento asin man kumpirmasyon manungod digde nin huli ta kaipuhan pang maberipika an impormasyon.
Kaya man saiya na munang sinabi na igwa asin man mas kadakol pang ibang mga indibidwal an kaiba o posibleng imbwelto man sa kaso ng pagkawara kan mga sabungero.
Huli digde, saiya man na ipinag orgulyo na kadakol development na soboot sa saindang isinasagibong pag-iimbestiga orog na sa mga impormasyong padagos na sinusuri at pinag-aadalan.
Kun saen hagad kaini an mas halabang pasensya asin pira pang dugang na panahon tangani matukoy an katotohanan manungod sa kaso. Katakod pa kaini, an saiya man na kinumpirma na an kagawaran an nagsurat na sa gobyerno kan Japan tangani maghagad nin tabang.
Mawot kaya na matukoy kan Department of Justice an katotohan sa mga isinawalat kan testigong binisto komo si alyas ‘Totoy’. Marurumduman na saiyang ibinunyag na makalihis magadan, inilubing soboot an mga nawawarang sabungero sa parte kan Taal, Lake.
Kaya man siring na sana an pagsiguro ni Justice Secretary Remulla sa pakikipagkoordinar kan kagawaran sa Philippine Navy, Philippine Coast Guard asin Department of Environment and Natural Resources.
Alagad kan mahapot man an sekretaryo kun nuarin an ‘target date’ ninda na maisakatuparan ini, bigo kaining sabihon an siguradong petsa kan pagpupuon.
Sa presente, dae pa man nareresolba o natutukoy kun hain na an mga nawawarang sabungero. An sulamente pa sanang sigurado iyo an inihayag kan Department of Justice na saindang gigibuhon an gabos tangani dagusan nang makua an hustisya.
