NAGA CITY- Padagos na namamantinir kan Tropical Depression Crising an kusog kaini mantang pigbabagtas an Norte Norteng-sulnupan sa kadagatan Sirangang parte kan Catanduanes.
Ini an huring nahiling 520 km East Northeast kan Juban, Sorsogon o 470 km East Northeast kan Virac, Catanduanes.
Taglay kan Tropical Depression Crising an duros na nagpapakol sa 55 km/h harani sa sentro asin pagbugso na nag-aabot sa 70 km/h siringman naghehero sa deriksyong North northwestward sa rekas na 25 km/h
Huli digde, nakabandera an Tropical Cyclone Wind Signal No.1 sa The southern portion of Batanes (Sabtang, Ivana, Uyugan, Mahatao, Basco), Cagayan including Babuyan Islands, Isabela, Quirino, the northeastern portion of Nueva Vizcaya (Kasibu, Quezon, Bagabag, Diadi, Bayombong, Solano, Ambaguio, Villaverde), the northern portion of Aurora (Dilasag, Casiguran, Dinalungan, Dipaculao), Apayao, Abra, Kalinga, Mountain Province, Ifugao, Ilocos Norte, the northern portion of Ilocos Sur (City of Vigan, Santa, Caoayan, Bantay, Nagbukel, Narvacan, Cabugao, San Juan, Sinait, Magsingal, San Ildefonso, Santo Domingo, San Vicente, Santa Catalina), and the northern and eastern portions of Catanduanes (Pandan, Bagamanoc, Panganiban, Viga, Gigmoto).
Katakod digde, padagos na pigpapalikay an mga residente sa nasambitan ng lugar sa posibilidad kan paglangkaw nin lebel kan tubig asin pagrasay nin daga huli sa labing pag-uuran.
Pigpayuhan man kan state weather agency an publiko na pirmeng naka-alerto asin updated sa kamugtakan kan panahon.
