Nangapodan si House Deputy Minority Leader asin Mamamayang Liberal (ML) Rep. Leila M. De Lima para sa tulos na pagpasar kan sarong prosopwestong leu na magpapadusa sa extrajudicial killings (EJK).
Ini an kasabay kan pagkomemorar kan ikawalong anibersaryo kan paggadan ki Kian delos Santos, saro sa mga biktima kan soboot EJK.
An paggadan soboot ki Kian an nagsirbing abiso sa mamamayang Pilipino na an kadahasan, kabiguan, asin kararatan kan kampanya kontra iligal na droga sa irarom kan administrasyong Duterte an tunay asin sistematiko.
Katakod kaini, hurot ni De Lima an importansiya kan House Bill No. 1432, na saiyang ipigsunad kan nakalihis na Hulyo 2025. Obheto kan prosopwestong ley na ini na malinaw na aramon asin padusahan an EJK asin iba pa na igwang koneksiyon digde.
Kun naisaley, matatag ini nin sarong Inter-Agency Council Against Extrajudicial Killings na mamanehar sa imbestigasyon asin papanimbagon bako sana an mga imbwelto gikan sa estado kundi pati na man an mga pribadong indibidwal.
Pigsuhestiyonn man kan prosopwesto an padusang habambuhay na pagkakakulong nin mayong posibilidad na parole para sa mga mapapatotoohang nagbalgar.
Nangapodan man an lehislador kan pagtatag kan EJK Victims’ Compensation Fund tanganing matabangan an mga nawalat na pamilya kan mga ginadan kan nakalihis na administrasyon.
Mientrastanto, kan nakalihis na Hulyo kan presenteng taon, nagsunad an House Quad Committee nin prosopwestong ley na bibistuhon EJK komo sarong heinous crime, na igwang katampad na padusang habambuhay na pagkakakulong asin kompensasyo para sa mga biktima.
