Nagsunad nin tax evasion complaints an lado kan Bureau of Internal Revenue (BIR) kan nakalihis na Miyerkules, Agosto 20 sa Department of Justice (DOJ) asin man regional offices kaini laban sa 75 illicit vape retailers asin sellers.
Sa ambush interview, sinaysay ni BIR Commissioner Romeo “Jun” Lumagui Jr. na imbwelto digde an tax liability na nagkakantidad nin P711.3 milyon. Sigun sa BIR, an mga reklamong ini an pagbalgar sa Tax Code, kabali na an Tax Evasion, Unlawful Possession o Removal of Articles Subject to Excise Tax Without Payment of the Tax, asin Failure to File Excise Tax Returns.
Sigun ki Lumagui, smuggled an mga ini, nahiling ninda na dae rehistrado sa BIR, asin dae aprubado kan DTI (Department of Trade and Industry) asin dae bayad an excise tax. Mga mayo man nin stamps an mga produktong pinapabakal ka mga ink.
Nagpatanid pa si Lumagui na an mga produktong ini an posibleng dae nakapasa sa quality standards. Pighurot pa kaini na an mga buwis na kinokolekta kan gobyerno gikan digde an pwede na magamit kuta sa healthcare system asin infrastructure projects kan nasyon.
Pigsierto pa kan opisyal na padagos an saindang pagsasagibo nin operasyon dapit igde orog na ta nahiling ninda na nationwide an pagpabakal kaini asin man kadakol pa man nin produkto na dae talaga rehistrado asin man dae nagbabayad nin excise tax sa mga vape products.
Sinabi pa kan BIR commissioner na an mga rehistradong produkto an igwa dapat nin mga nakabugtak na BIR stamps kun mayo kaini na tamaraw na stamp, siguradong illegal ini asin man dae na dapat pang tatangkilikon.
Nag-ugat an pagsusunad nin reklamo gikan sa serye nin mga raid asin inspeksyon na nakasamsam kan mga ipinapabakal na untaxed vape.
