Pigbubusol ni Senator Mark Villar an propwestong “Teachers’ Home in School Act” na obhetong tawan nin libreng on-site na maiistaran an mga paratukdo sa mga pampublikong eskwelahan.
Obheto kan propwestong ini na matabangan an mga paratukdo orog na an mga naka istar sa harayo gikan sa eskwelahang pigtutukduan. Pigtawan duon ni Villar na an propwesto an tangani tawan nin salbado asin disenteng maiistaran an mga paratukdo mantang ginagampanan an saindang tungkulin.
Kadakol sa mga ini an nagtutukdo sa mga pinakaharayong lugar, harayo man sa saindang mga pamilya asin kadaklan nagrerenta nin kwarto tangani mas harani sa eskwelahan asin sa mga estudyante.
Ipinunto man ni Sen. Mark na an pag asegurar kan safe living conditions kan mga paratukdo an bako sana magpapagian sa saindang pamumuhay kundi mapapakusog man kaini an kakayahan kan gabos na mga public school teacher mantang hinuhulma an mga kajovenan sa saindang pagaadal para sa mas marahay na futuro
