Nagsakat na sa 31 an mga contractor na pig-iimbestigaran kan Commission on Elections o Comelec na nagtao nin donasyon sa mga kandidato kan 2022 elections.
Pigsaysay ini ni Comelec Chairperson George Erwin Garcia sa budget hearing kan House Committee on Appropriations para sa proposed 2026 National Budget.
Sigun ki Garcia, nagpapadagos an pag-review digde kan Comelec Political Finance and Affairs Department sa paagi kan pagrepaso sa pigsumiter na Statement of Contributions and Expenditures kan mga kandidato.
Nagsayuma man si Garcia na iluwas muna an pangaran kan mga kontratista huli ta kaipuhan muna ining iberepika sa Department of Public Works and Highways (DPWH) kun igwang nakuang kontrata an mga ini sa gobierno sa panahon kan pagsusunad nin Certificate of Candidacy o COC kan mga kandidato.
Marurumduman, an nasambitan ng imbestigasyon an huli naman sa kasuguan ni Presidente Ferdinand Bongbong Marcos Jr sa maanomalyang flood control project.
