Imbentaryo kan bagas sa nasyon, naglangkaw hasta Agosto 1 —PSA

Naglangkaw an imbentaryo kan bagas sa nasyon hasta kan Agosto 1.

Sa datos gikan sa Philippine Statistics Authority (PSA), nairehistro an 2.32 million metric tons na rice stock inventory sa enot na aldaw kan Agosto.

Mas halangkaw ini nin 24.5% gikan sa 1.86 million metric tons sa parehas na period kan 2024.

An National Food Authority (NFA) an igwang pinakahalangkaw na imbentaryo na igwang 207.6% annual increase asin igwang imbak na 452,000 metric tons.

Nagbaba man an imbentaryo sa mga komersiyal na bagas o an mga bagas gikan sa mga negosyante na nasa 11.5% o 1.039 million metric tons.