Pigpahayag kan DA an liwat na pagtugot sa pag-import kan mga produktong poultry siring kan karne, manok, sisiw na sarong aldaw pa sana, sugok, asin semilya gikan sa New Zealand sa paagi kan Memorandum Order No. 62.
Pigpaluwas an nasambitan ng memo makalihis ideklarar na an New Zealand libredo na sa highly pathogenic avian influenza, sarong labing nakakaulakit na helang na viral na nakaaapektar sa mga ataman na hayop.
Sigun sa memo kan DA, nagluwas sa saindang pagsusuri na hababa an peligro kan kontaminasyon gikan sa pag-aangkat kan nasambitan ng produkto.
Sa pag-ultanan kan Enero hasta Agosto, nagpakol sa 1.06 bilyong kilo kan karne an naangkat kan Pilipinas kun saen naglangkaw nin 16.5 porsyento kumparar kan nakalihis na taon, basado sa datos kan Bureau of Animal Industry.
Sa parehas na panahon, nag-export an New Zealand nin 8.57 milyong kilo kan karne sa Pilipinas, kadaklan baka na katampad kan mas hababa sa sarong porsyento sa bilog na parte kan merkado.
