Pig-enkaminar ni Senador Francis “Kiko” Pangilinan kan Biyernes, Oktubre 10, an Department of Agriculture (DA) na enoton an pagtindog kan mga first-border inspection facilities, na inaapod kaining importante tanganing maproteheran an sektor kan agrikultura sa nasyon gikan sa bilyong-peso pagkalugi kawsa kan paglaog kan peste asin helang.
Sa pagdangog kan Senate Committee on Finance dapit sa prosopwestong budget kan DA para sa 2026, pigtawan-duon kan senador na an pagtitindog kan Cold Examination Facilities in Agriculture (CEFA) sarong haloy nang kinakaipuhan na lakdang tanganing pakusogon an biosecurity kan agrikultura asin maproteheran an mga lokal na paraoma.
Advertisement
