Submitted for resolution na an kasong murder, serious illegal detention asin iba pang reklamo kontra sa mga nadadawit sa mga missing sabungeros makalihis an ikatulo o huring aldaw kan preliminary investigation sa department of Justice (DOJ).
Kinumpirmar ini ni Senior Assistant State Prosecutor Charlie Guhit kan nakalihis na aldaw nin Martes sa preliminary investigation sa kaso kan mga sabungeros.
Nag promisa man si Guhit sa publiko na magigin patas an panel of prosecutor sa mga kaso asin hihilingon nin marhay kun dapat na ibasura o i-sakat sa korte an nasambitan ng reklamo.
Sigun sa DOJ, 57 gikan sa 62 respondents an nakapagsunad nin counter-affidavit kabali an pigtutukdong mastermind sa kaso na si Atong Ang, mga kaparientes asin si Gretchen Barretto.
Nagsumiter man nin sinumpaang salaysay an magtugang na Patidongan.
Dae pa sigurado kun nuarin iluluwas an resolusyon huli sa dakol kan mga dokumento asin ebidensiyang inihampang sa panel of prosecutors. Hihinguhahon man kan mga piskal na tulos maresolbar an nasambitan ng kaso.
