NAGA CITY – Padagos na pigkukundusir an Simulation Exercises (Simex) kan Naga City Police Office.
Sa entrevista kan Bombo Radyo Naga ki PSSG. Robert Aguillon, Assistant Public Information Officer, NCPO, sinaysay kaini na nagkukundisir sinda nin Simex kun saen nagtatao man sinda nin mga senaryo orog na an mga nakalihis na insidente o kaya man siring mga anticipated incidents na katakod sa peace and order orog na siring kan panghahabon, panghohold-up, carnapping, kidnapping o ano pa man na krimen.
Dugang pa kaini na an nasambitan ng Simex an practice soboot na pig-aapod tanganing mas magin alerto man an lambang istasyon kan kapulisan sa anuman na pwedeng mangyaring krimen o kariribukan.
Sigun pa ki Aguillon na obheto pa kaini an tanganing makabisado kan lambang pulis an drills na kinakaipuhan nindang gibuhon orog na ta kaipuhan soboot digde an drug net kaya importante man an constant communication asin coordination tanganing tulos na maaksiyunan an anuman na krimen na saindang kakahampangon.
Mientrastanto, pigheras pa kan opisyal, na an nasambitan ng aktibidad an parte kan saindang operational procedures tanganing pirming magin matalas enkaso magakigwa nin aktwal na insidente.
