Maduon na pigpahimutikan ni House Deputy Speaker Ronaldo “Ronnie” Puno na riribayan kaini si Isabela Rep. Faustino “Bojie” Dy III komo presenteng House Speaker.
Kasimbagan ini ni Puno makalihis na magkuriyat sa social media an impormasyon na magkakaigwa liwat nin pagbabago sa liderato kan Kamara ngunyan na 20th congress.
Sigun pa ni Puno, nagtitinir an suporta kaini ki Speaker Dy asin sa saiyang pagmanehar sa Kamara.
Marurumduman, kan nakalihis na Setyembre nailiher si Dy komo pamayo kan Kamara kan magbaba si Leyte Rep. Ferdinand Martin Romualdez komo dating House Speaker sa tahaw kan mainit na isyu sa maanomalyang flood control projects asin insertions sa National Budget.
Advertisement
Advertisement
